Pynman ka Kiang Nangbah Govt. College iaka prokram wow sniawthuh iaka Physics

Syllad | The Rising MeghalayaMay 4, 2024

Ka Kiang Nangbah Govt. College, Jowai Department of Physics da pynman ko ia ka Enrichment Programme hei dur iong ka Practical Demonstration ha ka 3 tarik Naisan (May) ha Physics Laboratory. Ka College da khut sniawbha ko ia ki khynnah Class-X na ki san tylli ki skur kiwa em hapoh jowai ki wow ia em bynta ha kani ka programme kamwa 10ngut na kawi ka skur deilang wa ki nonghikai.

Ki skur kiwa chah khut sniawbha wow ia em bynta ha kani ka programme toh  ka Marian Hills Hr. Sec. School, Jowai, St. Mary Mazzarello Girls Hr. Sec. School, Jowai, K.J.P. Synod Mihngi Hr. Sec. School, Jowai, Govt. Boys Hr. Sec. School, Jowai, Govt. Girls Hr. Sec. School, Jowai.

Ha kani ka programme ki khynnah B.Sc 4th & 6th Semester (Physics Honours), da batai ki ia ki experiments iong ka subject Physics cha ki khynnah skur kiwa purea Class-X. Ka jingthmu iong kani ka programme toh wow iarap ia khynnah wow sniawthuh bha ki shapang ki experiment iong ka subject Physics, kamjooh wow e jingtip ia ki khynnah Class-X hei iatoh wa ki experiment khang wow khrin ia ki wow bang ki u purea ki ia kani ka subject.

Da sdang ia kani ka programme da jingialang wa da pyllai da u Dr. D. Suchiang, Asst. Prof. ki kyntein pdiang sniawbha da u Shri T. Bamon, Head Of Deaprtment, I klam na u Shri R. Nanghuloo Asst. Prof. kamjooh ki kyntein e khublei na ka Smt H. Passah, Sr. Lecturer.

Hadien wa da wai ka jingialang ki khynnah Class-X na ki skur wapher wapher da ioh lad ki u li peit wei wow chah skhor ia i batai na ki khynnah B.Sc 4th & 6th Semester (Physics Honours) iong ki experiment wapher wapher. Ka Department da chim ko ia ki feedback na ki khynnah skur hei jingiatoh wa kani ka programme. Ia kani ka programme da pynwai da I khublei ia ki khynnah wa ki nonghikai kiwa ia wan lang na ki skur.