Pynliem ka Ummulong iaka Mowkaiaw da 136 run haka District Cricket League ka WJHDCA

Syllad | The Rising MeghalayaApril 23, 2025

Ka Ummulong CC kala pynliem da 136 run iaka Mowkaiaw CYC haka jingialehkai District Cricket League kaba pyniaid da ka West Jaintia Hills District Cricket Association (WJHDCA) kaba long ha madan ialehkai ka shnong Khliehtyrshi haka 23 tarik Iaiong.

Haba tied nyngkong ka Ummulong kala kamai 193 run bad liem 6 wicket na ka 30 over. U Aaron Lamare ula kamai 63 run na ki 63 ball, katba u Rejoice Gassah 40 run bad u Heimonlang Lyngdoh 28* (not out).

U Kishan Lyngdoh ula khur 2 wicket naki 6 over.

Ka Mowkaiaw CYC haba beh iaka thong kala liem lut baroh 10 wicket bad kamai tang 57 run naka 15.4 over. Tang ar ngut ki nongtied ka Mowkaiaw kiba la kamai ar dak jingkhien, kata u Kishan 11 run bad u Sanvert B Kurkalang 24.

U Heimon Lyngdoh, ula lah ban ialehkai bha haka ball bad ka bat ha kaba ula ioh khyrwit 6 wicket naka 5.4 over bad ai run tang 13 kaba la biang pura ia u ban khur iaka nam man of the match.

Ka jingialehkai haka 24 tarik kan long hapdeng ka Khimusniang SC pyrshah iaka Lion S&YA haka por 9 baje mynstep.