Pynliem ka Phramer iaka Moodymmai da 6 run haka District Cricket League ka WJHDCA

Syllad | The Rising MeghalayaApril 22, 2025

Ka Phramer CC kala jop da 6 run iaka Moodymmai SC haka jingialehkai District Cricket League jong ka West Jaintia District Cricket Association (WJHDCA). Kane ka jingialehkai kala long ha madan Khliehtyrshi haka 21 tarik Iaiong.

Ka Phramer kaba la tied shuwa kala kamai 189/9. U Ridame Sari 61 run na ki 67 ball, u George Ryngkhlem 33 run na ki 55 balls ryngkat bad 4s bad 6s.

U Bichar Lamare ka Moodymmai marwei ula khyrwit 5 wicket na ki 7 overs.

Ka Moodymmai haba beh ia ka thong kaba 190 run, ki nongtied jong ka kim shym la ioh satia ban seng iaka nongrim kamai run kaba biang ha kaba tang 49 run kila liem 5 wicket.

Dei haba la mih madan u Riboklang Hynniewta ula pyni iaka sur ialehkai ba itynnad jong bad sdang ban tynjuh iaki nongkawang ball ka Phramer. Ula liem noh hadien ba ula kamai 69 run na 51 ball bad u khyrwit 9 tylli ki 4s bad 6 tylli ki 6s.

U Kamni Suna ka Phramer ula kyrwit 4 wicket na ka 5.4 over kaba la biang pura ia u ban khur iaka nam man of the match, bad mar lai wicket la khur da u Deimiki bad u George.

Ka jingialehkai haka 22 tarik kan long hapdeng ka West Jaintia Police CC  pyrshah iaka Evergreen SC & CC. haka por 9.00 baje mynstep.