Pynkylla u DC East Jaintia iaka hukum plie dukan hadien ba pynkhein kyndon COVID-19
Wat hadien ba ka bor synshar district kala pynsjynsur bad ai lad ban plie iew haka 14, 16 bad 18 tarik une u bnai Jylliew, hynrei la hap ban khang noh hadien ba ki paidbah kim shym la bud satia iaki adong adit COVID-19.
U Deputy Commissioner, East Jaintia Hills District ula pynmih iaka hukum haka 14 tarik bad ula ong ba la lap ba lajan baroh ki dukan kiba plie mynta ka sngi kim shym la bud satia iaka adong adit COVID-19.
La ong shuh shuh ba baroh ki dukan kila phiel ban bud ryntih iaki jingbthah katkum ka hukum bala pynmih da ka ophis u Deputy Commissioner.
Kumta u Deputy Commissioner ula pynkylla iaka hukum kaba la pynmih haka 11 tarik u bnai Jylliew bad la khang ia baroh ki dukan ban plie haka 16 tarik bad 18 tarik une u bnai lait noh ki dukan die marbam bad ki dukan die dawai dashin bad la shah ban plie tang 50 percent.
Facebook
Instagram
Youtube
Twitter
Leave a Reply