Pynkut noh ka St. Joseph’s Academy of Nursing ia ka taiew lehkmen jong ki Nurse

Syllad | The Rising MeghalayaMay 12, 2024

Ka St. Joseph’s Academy of Nursing ka la pynhap pyrda noh ia ka taiew lehkmen jong ki Nos (Nurse) shibynta ka jingrakhe ia ka “International Nurses Day” ha ka 11 tarik Jymmang ha Umtrew Ri Bhoi District.

Ka phang pdeng jong kane ka prokram ka long halor ka mat ka long, “Our Nurses, Our Future.The Economic Power of Care.” Ia kane ka taiew lehkmen la rakhe lyngba ka jingpynlong ia ki prokram bapher bapher.

Ha kane ka sngi pynhap pyrda la ia don lang ruh ka Kong Ivory Kharduit, Assistant Director Nursing Directorate of Health Service (M.I) kum ka Kongsan bad ka Kong Carrie Lyngdoh Nursing Superintendent, Sanker Shillong kum ka Symbud Kongsan ha ka jingiadon lang ka Kong Ibanrilin Ranee Principal St Joseph’s Academy of Nursing bad ka kong Jolene Vice Principal St Joseph’s school of Nursing.

Haba kren ha ka jingialang kum ka Kongsan ka Kong Ivory ka la pynpaw bad ki nos ki dei ka bynta kaba kongsan tam ha ka liang ki lad aijingsumar.Ka la ong ruh ba mynta ngi la donkam palat ia ki nos ha ki lad aijingsumar ym tang hapoh ki hospital hynrei ruh wat hapoh ka imlang ka sahlang.