Pynkut noh ka Moolamylliang iaka tamasa light, ai khublei ia baroh kiba wan sakhi

Syllad | The Rising MeghalayaJanuary 4, 2022

Ka Dorbar shnong Moolamylliang kala pynkut noh iaka tamasa light kaba la pynriam ban pynthaba ia baroh kawei ka shnong shuwa ka Christmas haduh Snem Thymmai.

Kane ka jingpynriam ka Moolamylliang iaka shnong baroh kawei da ki light kala khring ia kiba bun ban wan sakhi na kylleng ki shnong hapoh Jylla, kynthup iaki myntri sorkar bad ki ophisar na ki tnad bapher bapher.

U Ma Apmon Pachiang, Waheh Shnong Moolamylliang ula pyntip ba kila pynkut noh ia kane ka tamasa haka 2 tarik bad ula ai khublei ia baroh kiba wan sakhi bad kiba ai mynsiem iaka bor shnong na ka bynta kane ka tamasa light. Ula pyntip ba ha une u snem ruh ha u bnai Nohprah kin pynthaba biang iaka shnong da ki light bad ka jingpynwandur ba har rukom ban khring shuh shuh iaki paidbah na kylleng.