Pynkup burom ka Kur Sookpoh Khad-Ar Wyrnai iaki rangbah longkmie ba synniang sha ka kur bad iaki samla pule

Syllad | The Rising MeghalayaDecember 9, 2023

Ka Kur Sookpoh Khad-Ar Wyrnai Development Society, Jowai haka 9 tarik Nohprah kala pynlong iaka dorbah bah kaba long ha iing hall ka kur ha Chilliangraij Jowai.

Ha kane ka sngi ka Kur Sookpoh Khad-Ar Wyrnai kala pynkup burom ia ki rangbah bad longkmie bad ki shongkha haka kur, ki khun bad ki paralok parajor kiba synniang sha ki kam ba bha jong ka kur. Kine kiba shah pynkup burom ki kynrthup ia U Ma Ohiwan Lamar, Ka Kong Emhok Lamar, U Ma Joinpil Pde, Ka Kong Phrina Shylla, U Ma Oriland Shylla, Ka Kong Aloma Passah, U Ma B Richard Uriah.

Shuh shuh ka Kur Sookpoh Khad-Ar Wyrnai kala pynkup burom ruh iaki samla pule kiba la pyndep iaka matric bad kiba pass bha- ka Hazelbelle Ivilianca Pasweth, Hakayooki Lytan, u Renny Nathan Siangbud. Haka Class XII- Ka Susanna Bescy Siangbud, U Wansame Pakyntein.

Haka Bachelor Degree- Ka Daia Lanong, ka Sakhiwanka Kynjing, Idalana Ika Lytan, u Armanki Nikhla, Hauru Pakyntein, Ka Lapkibai Lakiang, Ka Vailan Kanni Lakiang. Haka Master Degree- ka Primadona Paswet, ka Veralana V Syngkon bad ka Samhaka Lakiang.

Shuh shuh haka kyrdan PhD, la pynkup burom iaka Dr. Mebalarisha Paswet.

Ka Kur Sookpoh Khad-Ar Wyrnai kala wan shakhmat ban ithuh bad pynkup burom ruh iaki Bodybuilder kiba jop haka jingiakop pyni dohksah ha ki rynsan bapher bapher. Kine ki kynthup iaka Sawakani Lakiang, kaba la jop haka Bikini Model haka Mr and Ms East India 2023 Zonal Bodybuilding & Models Championship kaba long ha Ranchi, Jharkhand ha u bnai Risaw 2023.

U B Desire Kynjing uba wan haka kyrdan First Place haka Men’s Bermuda Beach model jong ka Mr & Ms Meghalaya Body Building Competition kaba long ha Soso Tham Auditorium ha sor Shillong haka 4 trik Risaw 2023 bad uwet pat u dei u Luckyman Kynjing uba wan haka kyrdan First Place haka Denim Jeans Model (Short) haka Mr and Ms East India 2022 Zonal Championship haka 6 tarik Naiwieng 2022.

La pynkup ruh burom iaki rangbah ka kur kiba la kynjoh iaka rta kaba 75 snem.

Ha kane ka sngi la iadonlang u president ka Kur Sookpoh Khad-Ar wyrnai u Ma Puramon Kynjing uba long ruh u Dolloi ka Elaka Jowai, General Secretary ka kur Ma Marryngkat Syngkon, Kong Hima Lakiang Chairperson WWO nalor kiwe kiwei.

La pynphuh pynphieng ia kane ka dorbar da ka jingrwai jingshad ba la iashimbynta ki khun ka kur na Dulong bad Ummulong Unit.

Ka jingkren na ka Kong Kawan Kynjing , Advocate halor ka mynsiem maya kur ki rangbah, ka jingkren na u president ma Puramon Kynjing bad kiwei kiwei.