Pynkup burom ka KSU Namdong iaki samla ba pass bha

Syllad | The Rising MeghalayaOctober 6, 2024

Ka Khasi Students’ Union (KSU), Namdong Area Unit kala pynkup burom da ka 4th Maitshaphrang Excellence Award sha ki samla pule kiba pass bha haki kyrdan bapher bapher ha une snem 2024 kiba haka thain Namdong.

Ha kane ka sngi la iadonlang u samla Laitphar Syngkrem president KSU West Jaintia Hills District Unit (KSU WJHDU) kum u kongsan, u Waheh Shnong Namdong B, u Ma Damian S War haka jingialang kaba la pyniaid da u president ka Namdong Area Unit samla Kitboklang Lamare.

Kiwei kiba iadonlang ha kane ka sngi ki kynthup ia u president KSU Nartiang Circle u Chanbor War, nalor ki nongialam bad dkhot ka KSU WJHDU kiba kynthup ia u Leonard Dhar office secretary, u Ewanmi Phawa organizing secretary.

Haba ai jing kren u Laitphar ula ong: “Ka jaidbynriew Khasi jong ngi ka dang duna kiba bat iaka lakam shynshar hapoh ka jylla ka jong ngi khamtam eh haki kyndan baheh kum ki IPS, IAS la bun ba bat daki bar jylla. Kumta ka KSU ka shim iaka sienjam ban ai khusnam sha ki samla pule ka bri Hynniewtrep kum ka jingpynshlur bad ai mynsiem ban ialeh shitom bad ban poi sha khmat ha ki kyrdan pule.”

U la kyntu ruh ia ki samla ba kin dang iai ialeh tyngeh shuh shuh ban minot thop khnang ba kin poi sha ki kyrdan ba kham shalor bad ban jur ruh ban ri iaka burom ka akor kaba hap ban sdang nala ïing, namar lada don iaka kyrdan kaba katno katno ruh lada ka burom akor kam don ka long lehnoh ei.