Pynkup burom ka KSU iaka samla Emika kaba rung haka kyrda Top 20 haka SSLC

Syllad | The Rising MeghalayaJune 4, 2023

Ka Education Cell jong ka KSU East Jaintia Hills District Unit haka sngi Saitjain kala pynkup burom iaka samla Emika S Dkhar kaba la pass bah bad ioh rung haka kyrdan Top 20 haka result Secondary School Leaving Certificate kabala pynbna ka MBOSE dang shen.

Ka Emika S Dkhar kala ioh haduh 547 marks (E,M,S&T, SSc,HPE,Kh). Ka dei ka khynnah skul jong ka Little Star Secondary School, Ladrymbai.

Ka jingiohrung ka samla Emika ha kane ka kyrdan ym tang ka wanrah nam ialade hynrei iiaka skul bad ka shnong ka thaw.

Kumta ka KSU ban iohlehkmen lang ha kane ka jingjop kane ka samla kala pynkup burom iaka da kaba iaki tiar sah jingkynmaw.

Ha kane jngpynkup burom la iadonlang u Emmon Chyrmang Education Secretary KSU EJH, President KSU EJH u Streamly N. Suchen, Finance secretary KSU, EJH Shaniah Dkhar, Asst. Finance Secretary Cherity Suja bad kiwei kiwei

Ka KSU kala kyntu ia kiwei ki khynnah skul ban bud iaka nuksa jong ka Emika bad banjur ban pynduh iaka jingsngew ba ki wan na ki shnong nongkyndong, hynrei ban don iaka tthong bad treishitom ban pule bad ha kiwei kiwei ki kam haka jingim khnang ban ioh iaka jingjop.