Pynkhreh ka Sorkar ban wanrah ia ka Fire Service ha Mawryngkneng

Syllad | The Rising MeghalayaFebruary 23, 2024

U Symbud Myntri Rangbah ka jylla uba khmih ia ka Tnat kam Pohiing, u Bah Prestone Tynsong ha ka 22 tarik Rymphang u la pynsngew hapoh ka iingdorbar thawain ba na ka liang ka sorkar ka la iaid shakhmat ha kaba iadei bad ka jingpynkhreh ban wanrah ia ka Fire Service ha Mawryngkneng.

Haba jubab ha ka kynta buh jingkylli kaba la buh da u MLA ka VPP bah Heaving Stone Kharpran, u Bah Prestone u la ong hadien ba la dep ban aiti ia ka jaka sha ka Tnat Pulit, kumta ruh ka jingpynkhreh ban tei ia kane ka jaka treikam kan iaid shakhmat.

U la ong ruh ba ka jingpynioh ban thied ia ka jaka ka la jan sa ban dep bad kam shym la don satia kano kano ka jingiateh soskular bad ki trai jaka.

Ha kajuh ka por u Symbud Myntri u la pynthikna ruh na ka bynta ban bishar bniah ia ka jingai jingmut da u nongmihkhmat ka TMC napoh Nongthymmai u Bah Charles Pyngrope ha kaba iadei bad ka jingdonkam ban buh ia ki kali pynlip ding ha kiba bun ki jaka khnang ban pynkloi ia ka jingshakri hasba jia kano kano ka jingpluh ding.