Pynjari 144 CrPC u District Magistrate ban tem ïaka jingkynad ki nongshong shnong ha Mowkaiaw

Syllad | The Rising MeghalayaMarch 2, 2019

JOWAI: U District Magistrate jong ka West Jaiñtia Hills District Ma Garod LSN Dykes, IAS ula pynjari da ka kyndon aiñ 144 CrPC ban tem ïaka jingkynad ki nongshong shnong ka Mowkaiaw namar ka elekshon kaba wanrah ka jingshah pynjulor ki ïing ki sem, ki kali motor.

Ban tem ïaka jingshong syier ki paidbah nongshong shnong kumjuh ban pynneh ïaka shongsuk shongsaiñ u District Magistrate ula maham bad mana ba ym bit ïa kino kino ban lum palat san ngut bad ban rah tiar pynmynsaw ha baroh kawei ka shnong Mowkaiaw.

La mana tyngeh ban byrngem byrsit, jingkawang maw, jingpynjulor iing ne ki jingdon em da kino kino ki briew ha ka Mowkaiaw Constituency.

Kane ka jingjia lun maw bad pynjulor ki runar ïaki iing ki sem kala jia hadien ba shah rem noh u kyrtong ka NPP ha u UDP ha katei ka thaiñ hadien ka jingniew vote jong ka election MDC ha JHADC.