Pynioh u MDC Ummulong Moodymmai da ka skul building bad ka iing dorbar iaka shnong Larnai

Syllad | The Rising MeghalayaMay 13, 2023

U MDC ka Ummulong-Moodymmai u Jesse Suïam ula plie paidbah ïaka ïing dorbar bad ka iing skul iaka Larnai Proceeding Secondary School haka shnong Larnai haka sngi Thohdieng.

Ïaka ïing dorbar hall la pynioh lyngba JHADC na ka 15^th Commission jong u snem 2020-2021 haka jinglut kaba 7 lak tyngka. Katba ïaka ïing skul la tei lyngba ka SAG Scheme ka JHADC jong u snem 2020-2021 haka jinglut kaba 5 lak tyngka.

Hashwa ka jingplie paidbah ka la don ka jingïalang lyngkot haka jingpynïaid u chairman shnong u KK Pyrtuh haka jingïadonlang ki nongïalam shnong, ki dkhot nongkitkam bad ki nongshong shnong.

La ïoh ka jingkren lyngkot na u Waheh shnong ka Larnai u Koyas Kharbihthai, u DK Warangpih bad u tymmenbasan S Laloo kiba la pynpaw ka jingsnewnguh ïa u MDC uba ula ïarap ïaki jingdonkam jong ka shnong.

U Jesse Suïam haka jingkren ula ong ba ula pyrshang ban ai ka jingshakri ban pynpoi iaka roi ka par sha baroh ki shnong hapoh ka Constituency jong u.

Ula ong kane ka ka ïing dorbar kan saiñdur ïaka synshar khadar haka imlang sahlang bad kyngba kane ka ïing dorbar yn pyrkhat kumno ban kyntiew ïaka roi ka par hapoh ka shnong ka thaw. Ula kyntu ïaki nongshong shnong ba kin shim ïaka kum ka ïing ka ban pyndonkam da baroh lang bad kaba lah ban ai ka jingshakri kaba bha tam haka imlang sahlang.

Ula ïaroh ïaka Dorbar shnong, ki nonghikai bad baroh kiba don bynta ban synñiang ïa kane ka skul. Ula kyntu ban sumar bad lehkhuid ïaka ïingskul khnang ba kan myntoi, ym tang ïaka mynta, hynrei ïaka la shai la shisngi ki khynnah.