Pynioh marbam ka BDO Thadlaskein sha 157 ïing lanot phria ha Lapangap

Syllad | The Rising MeghalayaApril 29, 2020

Ka Block Development Officer (BDO), Thadlaskein West Jaintia Hills District kala pynioh da ki mar bam sha ki nongshong shnong Lapangap, ka shnong kaba hap ha khappud Assam bad Meghalaya sha ki 157 tylli ki longiing kiba dei ki lanot shah ther phria.

U Waheh Shnong u Ma Deimonmi Lyngdoh, ula ong ka shnong Lapangap mynta u snem ka la mad arsien iaka jingshah pynjulor ha u phria kynthup naduh ki tnum iing, ki jingthung jingtep bad ki marbam mardih kum u khaw u kba kiba la shah ktah na ka jingrung ka umslap naka jingpei thliew jong ki tnum iing kiba la sop da ki tin.

Ula ong ka jingshah pynjulor jong ki iing ki sem ha katei ka shnong kala kot haduh 157 tylli bad na ki 118 tylli kidei kiba la duh iaki marbam na ka jingrung ka jong ka umslap shapoh iing.

U waheh shnong ula pynpaw ba ka shnong ka paw ka jingsngewnguh iaka BDO ka Kong B. Blah kaba la phah 16 byrni u khaw ban sam mar 5 kilo ma ka longiing kiba la julor ki mar bam jong ki.

Ka Dorbar Shnong ka la ai khublei bad kitbok kitwriang iaka Kong Blah ba kan ioh iaka met ka phad kaba koit ba khiah bad ban nang lah ban ai ka jingshakri ia u paidbah.