Pyngngat Micro Containment iaka shnong Ksehrynshang

Syllad | The Rising MeghalayaJune 20, 2021

U District Magistrate, West Jaintia Hills District ula pyngngat Micro Containment iaka shnong Ksehrynshang hadien bala don ka jingibit khlam COVID-19 ha kane ka shnong.

U District Magistrate haka hukum kaba u la pynmih haka Sngi U Blei ula ong ba ka don ka jingiabit jingpang khlam COVID-19 ha kane ka shnong bad namar ba donkam ban leh iaka jingbuddien bad ban test ia ki nongshong shnong kiba lah ban shah ktah na ka jingpang la pyngngat micro containment iaka shnong Ksehrynshang ban tem iaka jingpur ka khlam.

Katkum ka hukum la khang pyrshah iaki briew ban rung sha kane ka shnong bad ki nongshong shnong na kane ka shnong ruh kim bit ban mih.

Baroh ki nongshong shnong la bthah ban kin shong kset bad pynkyrpang ialade ha ki iing ki sem jong ki.

La khang ban pynlong ia baroh ki jait jingialang bad baroh ki dukan dukdoh ruh ki dei ban khang hapoh kane ka shnong.

Kane ka hukum kala treikam naduh mynta ka 20 tarik Jylliew haduh bala pynbna da kumwei.