Pyndep ka Raij Jowai ïaka lehniam Kbai Mooknor

Syllad | The Rising MeghalayaMarch 27, 2023

Kumba ju leh manla u snem, ki nongialam niam ka Seinraij Jowai haka Sngi U Blei kila hiar sha Iawmusiang ban Kbai Mooknor ban pyntip sha uba bun balang bala sdang ka jinglehniam Behdieñkhlam.

Ha kane Kbai Mooknor ki nongialam niam ka Seinraij Jowai kila pyntip sha ka shnong ka Raij hakhmat ka ïew ka Syiem, ki nongwan ïew wan hat ba naduh mynta ka sngi ki shakri Niam ka Raij Jowai ki la sdang ïaka niam hapoh ka Raij ka shnong kat kum ka rukom dustur ba la pynjuh bad hikai u mynbarim shwa ban ki Saw sngi Lai miet jong ka Shad Niam Behdieñkhlam.

Mynta ka sngi kala don ka jinglehniam Dih Soopen ha Iung Langdoh. Haka 29 tarik Lber kan don ka jinglehniam Knia Thoh Langdoh kawei na ki lehniam ne kñia ainguh ïa u blei Langdoh kaba hap wanna pyndep haka 30 tarik Lber.