Pyndep ka Raij Amwi iaka jinglehniam Raij ha Thlumuvi

Syllad | The Rising MeghalayaNovember 25, 2024

Ka Raij Amwi haka 24 tarik u Naiwieng 2024, kala pyndep ia ka jinglehniam Raij jong ka Raij Amwi ha Thlu Muwi ha ka jingiadonlang ki nongkitkam bad ki nongbud jong ka Niam Tynrai Raij Amwi.

La pyndep ia ka niam da u Lyngdoh niam jong ka Raij Amwi u Ma Ling Tariang lem bad u nongknia. Kiba iadonlang ha kane ka jinglehniam ki kynthup ia u Ma Phawa Khyriem bad u Kni Kur Tariang u Ma Sibil Tariang bad nongkitkam jong ka Raij Amwi.

U Ma Larmon Tariang Chairman ka Seng Raij Amwi bad u Ma Ronald Tariang, Secretary Seng Raij Amwi ha u kyrwoh kila iathuh ba ia kane ka jingleh niam jong ka Raij Amwi la pyndep shisien shi snem ban pynpaw ia ka jingsngewnguh ia ka jingkyrkhu jong ka Lei Amwi ia ki khun ki raiot jong ka Raij.

Nalor ka knia ka khriam bad ka nguh ka dem ia ka Lei  Amwi, la pyndep ruh ia ka knia ka khriam ia lai bynta kata ka Knia ia U Longkungor, U Tken, U Sohtang.