Pynbor ka KSU ban siew tulop ïaki nongtrei ba pep trei haka pakhang shnong NESO

Syllad | The Rising MeghalayaFebruary 26, 2019

SHILLONG: Ka Khasi Student Union (KSU), Nongthymmai Circle haka sngi Nyngkong ka la leit ban iakynduh iaki heh jong ka tnad Sam bording PowerGrid halor ka jingioh jingujor ba katei ka tnad ba kala ot tulop iaki nongtrei kiba trei contract.

Katkum ka jingujor ba la ioh na ki nongtrei katei ka tnad la ong ba katei ka jingot tulop naka bynta ka shisngi iaki nongtrei katei ka Comapany kadei na ka daw ba kitei ki nongtrei ki khlem wan trei haka sngi ba khot pakhang shnong daka NESO kaba la long haka 8 tarik Kyllalyngkot 2019ha baroh kawei ka thain Shatei Lam Mihngi.

Ka KSU hapoh ka jingialam u samla Richard Mawkhiew General Secretary ka Seng, ki la leit ban hiar sha ophis treikam ka Power Grid kaba don ha Nongrah, Shillong ban dawa bad pynbor ïa katei ka Company ban siew noh kloi iaka tulop ki nongtrei kiba la shah ot hakatei ka sngi pakhang Shnong.

Nakaliang Ka Power Grid ruh hadien jingïakren sngewthuh kala mynjur bad kohnguh ban siew iakatei ka bainong ha u bnai ban wan ïaki 40 ngit ki nongtrei.

“Ka jingpep trei ka jong ngi ka dei naka daw ka jingdon ka pakhang shnong, kamdei naka daw shimet ka jong ngi, lada ngi ia leh pyrshah bad jia eiei pat ia ngi mano ba shim iaka jingbahkhlieh” la pynpaw ki nongtrei.

Naka liang u nongialam ka seng u samla Richard Mawkhiew ula ong ba kane ka jingot tulop kadei ka jingiuh roit bad ka jingbymkhein snep iaki trai ri ki trai Muluk.

“Ngi la rai ba nangne shakhmat ngi hap ban peitngor iakino kino ki Comapany, ki ophis sorkar pdeng kynthup ïaka jaka pule kiba hapoh ka jylla kimdei shim kabu iaki trai ri trai muluk”, lala o u samla Richard Mawkhiew GS ka KSU Nongthymmai Circle.