Pynbna ka MSA iaki nongialehkai Softball ban iakhun sha Odisha

Syllad | The Rising MeghalayaJanuary 31, 2023

Ka Meghalaya Softball Association (MSA) haka sngi ba Ar ka la sei madan ia la ka kynhun ki rang ialehkai, kiban mihkhmat ia ka jylla sha ka rynsan iakhun ba la tip ia ka kum ka 44th  Senior Men & Women National Softball Championship 2023, kaban long ha Odisha naduh ka  5-9 tarik u Rymphang u ban wan.

Ia kane ka jingiakob la buh ban pynlong ia ka ha Puri Stadium bad ka jinglah ka MSA ban sei madan ia la ka kynhun ki rang ialehkai ka la wan hadien ba ka la lah ba kan pynlong ia ka prokram ai jinghikai bad kilan kaba la pynlong ha u nai Risaw u snem 2022 ia kaba la pynlong ia ka kum ka Mawkyrwat, Mawsynram, Nongstoin, Mairang, Jowai, Khliehriat,bad Nongpoh.

Ia ka jingpyrshang ban iohban jied ia ki rang ialehkai la pynlong ha ka 16 tarik Kyllalyngkot 2023 ha 2nd Ground Polo ia kaba la  bynrap biang da ka prokram ia kilan (camp) kaba la sdangf naduh ka 17 tarik bad pynkut ia ka hynne ka sngi ka 31 tarik.

Ki kyrteng jong ki player ba la shah jied ban mihkhmat ia ka jylla sha kane ka jingiakob mynta ka kynti ki long Wankitboklang Syiemlieh (Captain) (Mawsynram), D Nangkiew Kupar Disiar (Mawsynram), Breinnisstar Thongni (Mawsynram), Mecom Blah (Mawsynram), Donbok Elson Marwein (Mawkyrwat), Deibanshanbor Mylliem (Mawkyrwat), Phermiki Salahe (Khliehriat), Kitboklang Nongphlang (Nongstoin), E. Sandy Robson Nongbet (Shillong), Banshanlang K Marbaniang (Mawsynram), Joyfullness Nongiej (Mawkyrwat), Rimeo Dkhar ( Khliehriat), Kyntulang Phawa ( Khliehriat), Luckystar Marwein (Mawkyrwat), Sandy Stone Kharshandi (Shillong).

Ka coach jong kane ka kynhun dei kong Ridahunlin Lyndem (Coach ) katba Manager dei Jerinda Kharshandi.

Shwa ba kane ka kynhun kan mih na la ka jong ka jylla, kala don ka jingialang ia kaba la pynlong ha madan 2nd Ground Polo, ha kaba kongsan ba la wan ban don lang dei u President ka synjuk u Dr Aman War (DHS) ba la shongthait jong ka jylla, bad ha ka por ba pynlong ia ka demonstration la wan ban skahi lang ruh da u working president bad general secretary ka Meghalaya State Olympic Association bah John F. Kharshiing bad bah Finely L Pariat, la don lang ruh bah SM Lyngdoh ba dei President barim jong ka MSA bad kiwei kiwei.

Haba kren kum u kongsan u Dr Aman War u la ai ia ka kyntien kyntu kynpham bad ai mynsiem ia ki khynnah ialehkai bad ban jur ia ki ban trei shitom khnang ban lah ban wanrah ia ka nam ka burom ia la ka jong ka jylla na kane ka jingleit iashim bynta ka jong ki sha kane ka jingiakob.