Pluh ding ar tylli ki dukan ha Mookyndur

Syllad | The Rising MeghalayaNovember 14, 2024

Ka ding kaba la klang jur bha kala ioh ban pynjulor iaki ar tylli ki dukan harud surok bah NH 6 haka shnong Mookyndur, West Jaintia Hills District haka 14 tarik u Naiwieng.

Kine ki ar tylli ki dukan ki dei jong ka Kong Helen Ksoo bad ka kong Epormi Ksoo kiba dei shipara na ka shnong Moodymmai.

Haba iakren bad u waheh shnong Mookyndur Ma Ninderson Suting ula iathuh ba kane ka jingjia ka la jia haka por kumba 12 shiteng nohphai sngi.

Ula iathuh ba da ka jingkloi ki para marjan ryngkat ki samla ka shnong ka dukan kala lait a ka jingshah bam duh.

Ka khubor pulit ka iathuh ba shuwa ban wan ka kali pynlip ding la pyrshang ban pynlip iaka ding da kawei ka kali kit um. Ka ding kala pur na ka dukan jong ka Epormi bad hadien bala wan ki pulit ka Fire and Emergency Service kila lah ban pynlip iaka ding.

Haka jingtohkit la suba ba ka jingkem ding ka dukan ka lah ban dei na ki ar tylli ki battery ba pyndonkam ban charge na ka solar. Ha kane ka jingjia ka dukan ka kong Helen kala julor phom, ktaba ka jong ka kong Epormi kala julor shibynta.

La iathuh ba ka jingjulor kine ki ar tylli ki dukan kala kot kumba T. 7 lak.