Phi artatien ïaka tika khlam COVID-19 phone ha u toll free number
Kum shibynta ban ai ha ki paidbah ia ka lad ban ioh jingtip bad ki jingpynshai halor jong ka Vaccine ne tika ban iada na u khniang jingpang COVID-19 khlem da donkam ia ki paidbah ban leit mih shano shano ruh, ka bor pyniaid District jong ka East Khasi Hills District ka la buh da u Toll Free Helpline.
La buh ia ki Doctor kiba long ki expert ha kane ka phang ban ai jingtip bad ban pynshai ia ki paidbah ha kaba iadei bad ka vaccination ban iada ia u khniang COVID-19.
Kumta, la kyrpad ia ki paidbah ban shim ia kane ka lad bad ba kin ia phone ha une u helpline number, kumba la pyni harum, ban ioh ia ki jingtip bad ia ki jingpynshai halor kano kano ka mat ka ba iadei bad ka Vaccination ban iada na u khniang COVID-19 kaba ki paidbah ki kwah jingtip lane ki kwah jingpynshai.
Ka bor pyniaid District ka buh khnang ia une u Helpline ban ai ka lad ha ki paidbah ban iakren para marwei bad ki Doctor lane ki expert ba kin ioh iaka jingbatai halor kino kino ki jingartatien kiba ki paidbah ki lah ban don.
Ki sngi bad ki por ba ki paidbah kin lah ban phone ha une u Toll Free Helpline number ki long naduh ka sngi nyngkong haduh sngi saitjain man la ka taiew, ha ka por 10 baje mynstep haduh 12 baje shiteng-sngi bad naduh ka por 4 baje janmiet haduh 6 baje janmiet man la ka sngi.
Une u Helpline number, un sdang treikam naduh ka 15 tarik jong u bnai Nailur, 2021.
U Toll Free Helpline Number ba phi lah ban phone ban ioh jingtip lane jingpynshai halor ka Vaccination ban iada na u khniang COVID-19 udei une u ba la pyni harum 1800-890-1191
Sngi Nyngkong haduh Sngi Saitjain Por Mynstep- 10 Mynstep – 12 Shiteng Sngi janmiet- 4 Janmiet – 6 janmiet
Facebook
Instagram
Youtube
Twitter
Leave a Reply