Phasi ka samla pule Civil Engineering ialade hapoh ka hostel ki kynthei ha Shillong Polytechnic
Kawei ka samla pule Civil Engineering hapoh Shillong Polytechnic ha Mawlai ka la pynkut noh ia la ka jong ka jingim da kaba phasi hapoh ka hostel jong ki kynthei haka step 6 tarik Jymmang.
Kane ka jingjia ka la jia ha ka por kumba 2 baje mynstep, ha kaba ia kane ka lanot la tip kyrteng kum ka Diana Dimre Ch Marak 24 snem rta kaba shong ba sah ha Upper Babupra, Tura, West Garo Hills District. Kane ka samla ka dang pule Civil Engineering ka dang pule mynta ia ka 4th Semester, ong ka khubor pulit.
La iathuh ba u nongap pahara miet hadien ba u la iohsngew ia ka jingwiar jong ki ksew u la leit ban khmih hapoh katei ka hostrl, bad hadien ba u la jurip bniah ia ka mala kaba nyngkong jong ka hostel u la shem pynban ia ka kynthei kaba la phasi ialade na ryngdang da kaba teh da ka jain towel na ka nar grill jong ka jingkhang, kata ha ka lynti mawjyngkieng ka ban sha shalor jong ka tnum iing.
Hadien ia ka metiap jong ka la pynkit noh shapoh Civil Hospital Shillong na ka bynta ban leh ia kaba donkam baroh.
Ia ka mobile phone rong blu (Samsung Galaxy A03), ka iingkhmat rong ktieh/iong bad ia ka shithi (ba la thoh na ka bynta ka donation) la kurup noh ha ryngkat ka jingiadon lang ki sakhi, ong ka khubor pulit.
Facebook
Instagram
Youtube
Twitter
Leave a Reply