Phah pynbiang mar bam u DC iaki dukan ha West Jaintia Hills

Syllad | The Rising MeghalayaJuly 12, 2021

U Deputy Commissioner, jong ka West Jaintia Hills u la bthah ia baroh ki nongdie dukan (Wholesaler bad Retail Traders) ba don hapoh ka District ban pynbiang iaki mar bam mar dih ha iew bad hapon ki dukan jong ban iada na ki jingduna ki marbam mardih.

U DC u la bthah ia ki nongdie ba kim dei ban die tam ia ka dor lane buhrieh iaki marbam mardih. 

U DC ula ong ba kino kino kiba die ia ki marbam kiba sniew kum u khaw, shini, dai, umphniang bad kiwei kiwei bad khamtam u Khaw Plastic kumba paw ha ki Media yn pynshitom ia ki katkum ain. Kumjuh ki dukan die lang ne ki wholesaler lada ki lap ba u khaw u ba ki ioh u long uba sniew, ki hap pyntip khlem pep sha ka ophis jong u Deputy Commissioner (Supply), Jowai.

Ki trai dukan ki dei ban peit ba ki nongthied jingthied ha ki dukan jong ki, ki dei ban deng ia ki mask ban jngai iwei na iwei kumba 2 meters eiei. Ki trai dukan ki dei ruh ban buh ia ki Hand Sanitizer ha ki dukan.

Ki bym bud bad kohnguh ia ka jingbthah jong ka office u Deputy Commissioner ym dei ban shah ban rung sha ki dukan.

Lada lap ba don kiba leh pyrshah, yn pynshitom ia ki katkum ki kydon jong ka Essential Commodities Act, 1995 and section 188 jong ka Indian Penal Code.