Phah khubor sngewlem ka NPP West Jaintia Hills sha kiba haïing i (L) Sunday Morning Pariat

Syllad | The Rising MeghalayaJanuary 10, 2022

Ka National People’s Party (NPP), West Jaintia Hills District Unit kala phah khubor sngewlem sha kiba ha ïing I (L) Sunday Morning Pariat iba dei i ophis secretary jong ka NPP West Jaintia Hills District Unit.

I Ma Sunday Morning ila khlad noh na kane ka pyrthei haka 10 tarik Kyllalyngkot 22 bad ka jingleit ontep ia i kanlong lashai ka sngi ha u lum jingtep ka Balang Katholik Jowai haka por 1 baje nohphaisngi.

U General Secretary NPP West Jaintia Hills District Unit, u Donboklang Jana ula ong ba jingkhlad I ma Sunday kadei ka jinduh kaba khraw ym tang iaka iing ka sem jong I, hynrei iaka party kumjuh namar ba nalor ba i dei u ophis secretary, i dei ruh i dkhot ba shitrhem bha naka bynta ban trei iaki kam jong ka party kum i dkhot EC jong ka NPP District Committee.

U Ma Donboklang ula ong ba na kaliang ka NPP West Jaintia Hills District Unit kala phah iaka khubor jingsngewlem sha ka iing ka sem khamtam ia I Lok, ki Khun ki Kti bad kiba don jingiadei baroh.

Ka NPP West Jaintia Hills District unit ka buh haka jingduwai ba U Blei Trai Kynrad un pyntngen ia baroh kiba don jingiadei bad I Ma Sunday ha kum kane ka por ba wan u Lyoh uba kah dum.