Phah khang shibynta ka iew Iawmusiang bym bud adong COVID-19 ki nongdie nongthied

Syllad | The Rising MeghalayaMay 3, 2021

Wat hadien ba ka plie lad ia ki paidbah ban iadie iathied hadpeng bala pyntreikam iaka kyndon pynjari ban iada naka jingpur ka khlam COVID-19 ha Jowai, pynban la lap ba ki paidbah pyllein pyllein kim bud ryntih iaki adong adit ban iada iaka khlam COVID-19 kaba la pynbor iaki magistor ha Jowai ban hiar sha iew bad pynbna ban khang iaka bynta ka Iawmusiang.

U Magistor Ma Mark Andrew Challam bad u ma Lyngkor Kynjing kila hiar sha iew Iawmusiang, Jowai hadien bala ioh iaka jingujor na ki bor shnong ban jurip iaka jinglong jingman ka iew bad kila lap ba ki paidbah ki pynkhein iaka adong adit ka Khlam COVID-19.

Also Read: Khang iaka Iaw Thymme ha Jowai

Mar mar kine ki magistor kila la pynbna ban khang iaka bynta ba shapoh ka Iawmusiang tad haduh bala pynbna da kumwei.