Pan kaiphod ka iingkashari halor ka St Anthony’s LPS, la yn pynbna iaka kum ka jingtei sahnam
Ka iingkashari Meghalaya High Court ka la pan ia ka kaiphod kaba bniah halor ka jinglong jingman jong ka iingskul ba la rim bah jong ka St Anthony’s Lower Primary School, Shillong khnang ban lah ban shim ia ka rai la yn pynbna ia kane ka iingskul kum ka jingtei sahnam ba la rim bad ba kongsan (heritage site) lane ban shah na ka bynta ban pynpra noh ia ka.
Ia kane ka hukum la mynjur da ka Division Bench jong ka iingshari kaba kynthup ia u B. Bhattacharjee Judge bad u IP Mukerji, Chief Justice Meghalaya High Court ha ka por ba shim bishar ia ka PIL No. 11 of 2024 bad ka MC(PIL) No. 5 jong u 2024 hapdeng u Bah Raphael Warjri pyrshah ia ka Sorkar Meghalaya bad kiwei.
Ha ka jingbishar, ka kashari ka la pyntip ba ka jingmudui da u Bah Wajri uba kwah ban pynsangeh ha kaba iadei bad ka jingthmu ban pynpra noh ia ka jingtei jong ka iingskul ka St. Anthony’s Lower Primary school, kaba don ha Don Bosco Square bad ban pynneh pynsah ia kane ka jingtei Assam type kaba naduh ka por ka jingsynshar phareng bad kaba don i ka dor kaba kongsan ha ka jingtei, bad ka histori ia kaba donkam ban pynneh pynsah.
La pyntip ruh sha ka iingkashari ha kaba iadei bad ki kyndon jong katei ka ain, kata khamtam ka Section 3(2) ha kaba ka bor ba la thaw hapoh jong katei ka ain ban pan jingmut da kaba pynmih ia ka jingpynbna da ka sorkar ha kaba yn khot ia ka jingai jingmut jong ki paidbah la yn pynbna ne em ia kane ka jingtei ne ka jaka kum ka ‘heritage site.’
La pyntip ruh sha ka kashari ba ka skul ka dang iaid shakhmat ha kaba iadei bad ka jingpynkhreh ban pynpra noh.
Ka kashari ka la bthah ban pynpoi ia ka copy jong ka jingkyrpad bad ka jingpynbna kaba biang sha ki bor pyniaid skul bad bthah ruh ia u heh ophisar sorkar ban leit jurip ia kane ka jingtei jong ka skul.
Featured Image Credit: Internet
Facebook
Instagram
Youtube
Twitter
Leave a Reply