Pan Aadhaar ka Bank ujor ka KSU

Syllad | The Rising MeghalayaFebruary 16, 2019

JOWAI: Ki paidbah nongshong shnong ka thaiñ Raliang kila kynnoh ba ki nongtrei ka SBI Raliang Branch ki pan ïa u Aadhaar number ba kin plie ïaka account thymmai.

Ka Khasi Students’ Union (KSU) Laskeiñ Circle haka sngi Balang; hapoh ka jingialam u Balawan Suchiang President bad u Peter Ram Sutnga General Secretary kila leit ban ïakynduh ïaka Branch Manager ka Bank  ban pan jingpynshai ba balei ka bank ka pan aadhaar haba ki nongshong shnong ki thmu ban plie account, kaba ka iingbishar ba hakhlieh duh ka ri kala ong ba ym donkam aadhaar ha ki bank.

Na ka liang ka Branch Manager SBI, Raliang kala ong kam don kano kano ka jingbthah ïaki nongtrei ka bank ban pan ïa u Aadhaar nomber, hynrei kane baroh ka mih ka dei naka jingleh stad bad leh thurmur jong ki katto katne ki nongtrei ka bank ha kane ka branch.