Ñiom ki paidbah iaka ophis u DC Jowai bret ia ñiut hakhmat khyrdop

Syllad | The Rising MeghalayaAugust 12, 2021

Ka jingiakhih ban pynkynriah ia ki ñiut na Jowai kala nang thnem bad ki paidbah kiba la iakhih pyrshah hapoh ka jingialam ka Dorbar Shnong Tympang Iawmusiang kila leit buh ia ki ñiut ha khmat ka khydrop u Deputy Commissioner, West Jaintia Hills, Jowai ban pynpaw iaka jingpyrshah iaka jingphiel ka tnad Urban Affairs (Jowai Municipal Board) ban pynkynriah iaki ñiut na Jowai sha ka jaka bret ñiut ha Mynkjai haka sngi Palei.

Kane ka jingpyrshah kala sdang ban mih paidbah ha Jowai haka 10 tarik une u bnai hadien bala mih ka synjuk waheh chnong Jowai ban rah iaki placard ban pyrshah iaka jingbym larkam ka Jowai Municipal Board bad ka District Administration ban pynjem iaka jingeh naka kam bret ñiut.

Ka Synjuk Waheh Chnong Jowai kala ruh da ka Quit Notice sha ki 6 shnong, KSU War Jaintia Circle, bad ka synjuk whaeh shnong War Jaintia ba pyrshah iaka jingtheh ñiut ha Mynkjai.

Nalor kata kala rai ban sangeh ban iatreilang bad ka bor synshar district West Jaintia Hills ha baroh ki jait kam bad ka jingrakhe iaka Independence Day kaba kynthup iaka jingrakhe 75 snem ka jingioh laitluid ka ri.

Mynta ka sngi ka Dorbar Shnong Tympang Iawmusiang kila ñiom iaka Iawmusiang ban rah iaki jingthoh placard ba ki dawa ban ioh iaka khuid ka suba ‘We Want Cleanliness’ bad pynrem iaki nongmihkhmat ka Jaintia Hills. La lyndet ruh ia baroh ki adong adit COVID-19.