Ngam jyllop ar ngut ki hep rit ha Jowai

Syllad | The Rising MeghalayaDecember 1, 2023

Ar ngut ki heprit kiba haka rta kaba 9 bad 12 snem kila khlad noh hadien ba kila ngam jyllop ha kawei ka wah duid ha Syntu Ksiar, Jowai haka sngi Thohdieng.

Kine ki ar ngut k heprit ki dei u Mebankynsai Suchiang (12 snem), khun jong ka Risamaya Suchiang bad u Pyndapbiangmi Ryngkhlem (9 snem) khun jong ka Lamshwadaka Ryngkhlem. Baroh ar ngut ki heprit ki dei kiba shong ba sah ha Mookyrdup Jowai. U Mebankynsai ka shnong trai jong u dei na Shangpung.

Ka khubor ka iathuh ba kine ki heprit kila mih na iing ryngkat bad 4 ngut kiwei pat paralok bad kila leit sha katei ka wah duid Umkhangrah, kaba hadien ka iing basa Heaven’s Cove ha Syntu Ksiar. Kine ki hep rit kila ia sum ia jngi ha kane ka wahduid, ar ngut kine kila ngam jyllop bad kiwei pat ki saw ngut kila lait im.

Mar mar kiba iohi ia kane ka jingjia kila pyntip sha ki pulit bad ka jingtohkit halor kane ka jingjia kala iaid shakhmat.