Nga rai ïakhun MDC biang, ba rai mynjur ïaka Amendment Sixth Schedule: Moonlight

Syllad | The Rising MeghalayaFebruary 6, 2019

JOWAI: U Ma Moonlight Pariat u MDC ka Jowai South uba la artatien ban iakhun ia kane ka Election MDC u la rai ban mih madan biang bad mynta ka sngi u la wan thep iala ka nomination paper ha DC office Jowai.

U ma Moonlight ula thep nomination ha tiket jong ka United Democratic Party (UDP) bad u bat ruh ia ka shuki President UDP ha West Jaintia Hills District.

Hadien bala dep thep nomination, u CEM barim jong ka JHADC ma Moonlight Pariat, ula ong ba u la rai ban iakhun biang ia ka election namar ba u iohi baka sorkar kmie kan ai iaka jingmynjur ban pynthmmai (Amendment) iaka Sixth Schedule jong ka Constitution jong ka Ri India. Ula ong ka sorkar kmie ha kane ka Budget kan mynjur jingpynkylla thymmai (Amendment) ïa ka Sixth Schedule bad pynrung haka Article 280 jong ka Riti Synshar ka Ri ban pynkhlain bor ïaki konsil.

U ma Pariat da ka jingpynkylla thymmai ïaka riti synshar kan don shibun ki jingkylla bad kyrmen ka jingtreikam ki konsil kin long kiba khuid kiba suba bad ba ki kam pynroi kin poi sha u paidbah.