Nga klumar ïaka hukum jong ka Meghalaya High Court bad ngan‘Prorogue’ ïaka Dorbar Tlang: Ailad Bhoi

Syllad | The Rising MeghalayaNovember 28, 2019

JOWAI: U Deputy Chairman jong ka JHADC u ma Ailad Bhoi ula ong “Nga klumar ïaka hukum jong ka Meghalaya High Court kaba la bthah ïa nga ban pynïaid ïaka Dorbar kaba la khot da u Chairman, kumta ngan pynkut noh (Prorogue) ïa kane ka Dorbar.”

U Deputy Chairman ym shym la bun ktien bad ki dkhot ka liang synshar ruh kila mih noh naka Dorbar. Ki MDC ka liang pyrshah kila shu hap ban ang lyngngoh haba u Deputy Chairman ula pynkut ïa kane ka dorbar khlem ïoh eiei ban ïakren ïa bun tylliki mat kiba kila thmu ban wanrah na ka bynta ka ban ïatai ïaka ïap ka im ka Konsil.

Kane ka jingpynkut ïaka Dorbar kan neh khana pateng la pateng haka history jong ka JHADC  namar ba kam don wat tang shi minit bad ki dkhot (MDC) kin hap ban miih na ka dorbar.

Kane ka dorbar katkum bala khot da u Chairman kadei ban long ar sngi hynrei namar ba dang ïaid ka Mukotduma ha ïingbishar High Court kala bthah ïa u Deputy Chairman ban pynïaid ïaak Dorbar khnang ba kan nym thud.

Kane ka Mukotduma dei kaba ujor da u Awhai Andrew Shullai katkum ka WP(C) No. 383 of 2019  pyrshah ïaka Sorkar Jylla bad JHADC namar ka jingkynnoh ba ïaid lait ïaka kyndon pynïaidkam jong ka JHADC ha kaban jied ïa u Chairman ba thymmai ka konsil hadien baka shuki Chairman kala thylli na ka jingiehnohkam u ma Lakhon Biam.

U Ma Andrew ula ujor biang sa kawei ka Misc. Application MC[WP(C)] No. 258 of 2019 ban kyrpad ïaka ïinig bishar ban pynsangeh ïaka Dorbar kaba khot da u Chairman u ma Finelyness Bareh mynta ka sngi 28 tarik, hynrei ka ïing bishar Meghalaya High Court kala ong ba ym dei ban pynthud ïaka dorbar bad yn pynïaid da u Deputy Chairman bad u Chairman un long kum u MDC bad u don ka hok ban vote bad kiwei kiwei ki hok, hynrei la khang ïa u Chairman ma Finelyness Bareh ban pyniaid dorbar bad ban treikam kum u Chairman, tad haduh bala pynkut ïaka mukotduma WP(C) No. 383 of 2019 kaba ka ïing bishar ka dang pynsahteng ban pynbna ïaka rai.