Na ka tulop noh synniang u MLA sha ki samla ba don jingduna kiba paw ha ka pule bad sports

Syllad | The Rising MeghalayaJuly 14, 2024

U MLA ka BJP na South Shillong u Bah Sanbor Shullai ha ka 13 tarik Naitung u la noh synniang da ka song tyngka kaba T. 2 lak na ka tulop MLA ka jong u sha ki 6 ngut ki samla kiba don jingduna ha ki dkhot met kiba la wan shakhmat ha ki jingpule kumjuh ha ki kam ialehkai sports.

Ia kane ka jingpynkup burom ia kine ki khynnah kiba don jingduna ha ki dkhot met la khot pynlong da ka Raid Laban Sports Social and Cultural Club ha ka jingialang kaba la long ha State Convention Centre, Shillong.

Haba kren ha k jingialang u Bah Sanbor ula ong ba kum ka dak jong ka jingpynshlur bad ai mynsiem u la rai ban ai T.1 lak na ka tulop MLA jong u sha ka samla Priska Pyngrope na ka Bethany Society ka ban sa leit mihkhmat shen ia ka India ha ka “World Arms Wrestling” ka ban long ha Maldova, Europe.

Nalor kata u MLA u la ai ruh ia ka jingiarap pisa kaba mar T.20,000 ha ki san ngut kiwei pat ki samla pule kiba don jingduna ha ki dkhot met kaba kynthup ia ka Ankita Das kaba la ioh 89 pecent ha ka eksam SSLC 2024.

Kine ki samla pule ki dei napoh Fernando Speech and Hearing Centre, Umiam Ribhoi District, Bethany Society, Shillong, Jyoti Sroat School, Shillong bad Lumparinh Vidhyapeeth Secondary School, Shillong.