Mynta ka sngi yn iakhun ka AJCA pyrshah iaka Shillong CA haka U-15 Boys Cricket Tournament

Syllad | The Rising MeghalayaDecember 20, 2021

Ka All Jaiñtia Cricket Association (AJCA) kala leit iashimbynta haka lympung ialehkai U-15 Boys Cricket Tournament 2021 kaba pyniaid da ka Meghalaya Cricket Association.

Kane ka lympung kan sdang mynta ka sngi da ka jingiakhun hadpdeng ka AJCA pyrshah ia ka Shillong Cricket Association ha Nongkhrah, Ri Bhoi District.

Ia kane ka lympung la phiah ha ki ar bynta kaba kynthup iaka Zone 1 bad ka Zone 2.

Ka AJCA, Shillong CA, East Khasi Hills CA, East Jaintia Hills CA bad ka Ri Bhoi ki hap haka Zone 1, katba ka Tura CA, North Garo Hills CA, East Garo Hills CA bad ka West Khasi Hills CA ki hap haka Zone 2 bad ka jaka ialehkai kan long ha North Garo Hills.

U General Secretary AJCA Ma Waibor Sohlang shuwa ban mih ki khynnah ialehkai ula kitbok kitrwiang bad ai mynsiem ia ki khynnah ialehkai ban kin ialehkai bha.

Ia ka kynhun ka AJCA la ialam da u Yoohimitre Patwet kum u coach. Ki players ki kynthup ia u Heiyoomiki Ryngkhlem, Ewanmi Pyrtuh, Redolant Shadap, Ha Uni Dashan Pohleng, Namewanki Pakyntein, Dauni Niangti, Maremdor Sutnga, Waibhahmi Ryngkhlem, Ishant Siangshai, Nehemaiah Gatphoh, Marconi Phawa, Stevenson Sten, Armanki Patweth, Wansa Oo Lamare bad u Samiki Pariat.