Mynsaw jur lai ngut ba aksident ka scooty bad ka Tata Sumo ha Soomer

Syllad | The Rising MeghalayaNovember 11, 2021

Lai ngut ki samla kila mynsaw jur na ka askident kaba la jia mynta ka janmiet ha Soomer, West Jaintia Hills District.

Kane ka jingjia aksident kala jia haka por kumba 7 Pm baje eiei ha ka surok bah National Highway 06 haka lad ban leit sha ka shnong Nangbah.

Ka khubor kaba iohlum ka iathuh ba kane ka Scooty ka dei kaba don ia u number ML 04 D 2601 bad ka Tata Sumo kaba dei ka kali kamai kaba don u nomber ML 11 1969. Kane ka scooty ka wan lyngba ka surok Nangbah bad marsien poi ha surokbah kala iatakhuh noh ba kane ka sumo kaba la wanrah iaka jingmynsaw mynsnam ia baroh lai ngut kaba kynthup ia u nongniah bad ki nongshong iaka scooty.

Ia kane ka Tata Sumo la bat noh da ki pulit jong ka Phramer Traffic Cell bad ka jingtohkit halor kane ka jingjia kala iaid shakhmat.

Ki paidbah kiba iohi ia kane ka jingjia mar mar kila ai jingiarap bad pynkit ia kine kiba mynsaw ha Woodland WK Hospital ban ioh jingsumar.