Mynjur ka Sorkar ia ki rule ban teh kyndon ia ka jingaiwai iing ka tnad Housing

Syllad | The Rising MeghalayaOctober 24, 2024

Ka Kynhun Myntri ka SorkarJylla ha ka 23 tarik u Risaw ka la ai ka jingmynjur ia ka rule ban teh kyndon ha kaba iadei bad ka jingaiwai iing jong ka tnad Housing.

Hadien ka jingialang kaba la long ha Resubelpara, North Garo Hills District, u Myntri ka Tnad Housing u Marcuise N Marak u la ong ba ka Sorkar Jylla ka la don ia ki iing Sorkar ha baroh ki District jong ka Jylla.

Pynjlan ka sorkar iaka rta rungkam ki nonghikai SSA haduh 45 snem ha ki skul sorkar

Watla katta u la ong ba ym don satia ki rule ki ban teh kyndon ia ka jingaiwai ia kine ki iing ba la long trai da ka tnad Housing (kaba kynthup ia ki Middle Income Group (MIG) bad Low-Income Group (LIG) Buildings sha ki nongtrei Sorkar.

“Kino kino kibym lah ban siew ia ka bai wai, ngim don satia ia ka rule ban dain kuna ia ki. Ngim don satia ia kano kano ka rule bad namar kata ngim lah ban leh ei ei. Kumta la mynjur ia kane ka rule mynta ka sngi khnang ban teh kyndon ia ki iingwai jong ka tnad Housing,” ong u Myntri.

Mynjur ka Sorkar Jylla ia ka Ordinance ban teh kyndon ia ka jingtreikam ka Medical College shimet