Mynjur ka JHADC iaka resolution ban pyrshah iaka Uniform Civil Code

Syllad | The Rising MeghalayaJuly 10, 2023

Ka Jaintia Hills Autonomous District Council (JHADC) haka dorbar lyuir kaba shisngi haka sngi Nyngkong kala mynjur iaka resolution ban pyrshah jur iaka jingthmu ka sorkar pdeng pyntreikam iaka Uniform Civil Code (UCC) ha ka Ri India baroh kawei.

U Chief Executive Member JHADC, u Ma Thombor Shiwat haba wanrah ia kane ka Resolution ha ka Dorbar Lyiur, ula ula apil iaka Sorkar Pdeng ban kan nym pyntreikam ia ka UCC hapoh u pud u sam ka JHADC ba ka hok bad ki jingmyntoi jong u nongshong shnong ha rilum Jaintia kim nym shah ktah. Haka juh ka por ba ki riti dustur kiba mynta la iada bad kumjuh ka Article 13 jong ka Riti Synshar bad katkum ka khyrnit ba hynriew jong ka riti synshar ka ri.

U CEM ula ong, lada pyntreikam ia ka UCC, ka JHADC baroh ki riti dustur, ka jingioh pateng jong ki riewlum kin shah ktah bad khamtam ka hok tynrai ne ka fundamental rights kaba la pynkhamti haka Article 19 jong ka riti synshar ka ri ha kaba iadei bad ka jingmane Blei laitluid.

Baroh ki dkhot kynthup ki liang pyrshah kila ai ka jngmynjur ban pyrshah iaka UCC kaba dei ban pyntreikam tang sha rithor ym ha u pud u ang ki District Council ne ha ki jaka kiba hap ha ka Sixth Schedule.