Mynjur ka JHADC ia mang tyngka kaba T.30 klur

Syllad | The Rising MeghalayaMarch 10, 2023

Ka dorbar mang tyngka jong ka Jaintia Hills Autonomous District Council (JHADC) kala mynjur ia ka mang tyngka jong u snem 2023-24 kaba duna haduh T. 30,60,14,100/- (Lai Phew Klur Hynriew Phew Lakh Khatsaw Hajar Shispah) haka sngi Thohdieng.

Ka JHADC kala mang ban ioh lum pisa ne Estimates Receipt kaba T. 174,59,38,400/- (Shispah Hynniew Phew Saw klur San phew khyndai lakhlai phew phra hajar saw spah. Ka konsil kala mang ban pynlut ne ka Estimate Expenditures pat T. 205,19,52,500/- (Ar spah san klur khat khyndai lakh san phew ar hajar san spah).

Ha kane ka dorbar ka konsil ka mynjur ruh ban pynkylla thymmai iaka Jaintia Hills Autonomous District (Trading by Non-Tribal First Amendment) Rules, 2023. Kane ka dei amendment kaba nyngkong eh kaba wanrah da Executive Member ba ba dei khmih iaka tnad Taxation u Ma Wining Garland Sungoh.

Ia kane ka amendment la mynjur da ka wei ka sur ban kyntiew iaka dor jong ki trading licence ki bar jylla kiba khaii pateng ha Rilum Jaintia.

Haba phai sha ka mang tyngka kaba la wanrah da u ma U Thombor Shiwat kam don kano kano ka jingpyrshah ne ka jingiatai. Naka liang pyrshah kim shym la wanrah ia kano kano ka cut motion ban iatai sani halor ka jingduna ka mang tyngka haduh T.30 klur.