Mudui ejahar ka Seinraij Tuber ia uwei ba kynthoh pyrshah iaka ksoh niam

Syllad | The Rising MeghalayaJuly 20, 2021

Ka Seinraij Tuber haka sngi Balang kala mudui da ka jingujor ejahar ia uwei u briew uba la kynthoh pyrshah iaka ksoh niam bat niam ki briew.

Une u briew uba kynthoh pyrshah haka khubor paidbah u dei uba la tip kyrteng kum u Living Rymbai bad kane ka jingkynthoh jong u iaka niam kala saphriang ha kylleng ki khubor paidbah kaba la ktah mationg bad pynsngewsih iaki riewngeit kiba dang ksoh iaka Niamtre Niam Tynrai.

Une Living Rymbai ula sam ia kawei ka dur ba shad Behdieñkhlam ka Seiñraij Tuber kaba la poi sha kaba kut ha Tuberkmaishnong haka sngi Nyngkong.

Ki nongialam ka Seinraij Tuber marsien iohi ia kane ka jingkynthoh halor ka ksoh niam bat kala long jingialang kyrkieh bad rai ban mudui da ka ejahar ha Ladrymbai Police Out Post bad dawa ban kem mardor ia une u nongkynthoh pyrshah.

Kane ka jingkynthoh pyrshah iaka jingksoh niam ha Jylla mynta kala jia naka por sha ka por bad dangshen ruh ka Seinraij Jowai kala ujor ia u wei hadien ba ula kynthoh pyrshah iaka kam ksoh niam bat niam ki riewngeit Niamtre.