Mih surok ka JSU ban kyrshan iaka jingiakhih pynkiew dor petrol, diesel

Syllad | The Rising MeghalayaFebruary 10, 2021

Ki dkhot ka JSU kila mih sha surok ban pynlong da ka jingteh lama iong iaki kali ba iaid ha surok kum ka dak ban pyrshah iaka jingkiew dor palat ka umphniang petrol bad diesel haka sngi Balang.

Ki dkhot ka JSU ka lah mih ha surok ban teh lama iong iaki kali ha Jowai ha lad Kiang Nangbah College ban pyni iaka dak jingiatrei lang bad ban ai jingkyrhshan lang ia ka Meghalaya Joint Action Committee of Commercial Vehicle (MJACCV) halor ka jingsangeh kamai khlem buh por namar ka jing pynkiew dor ka sorkar iaka umphniang kali bad ka dak ban pyrshah ia ka sorkar halor ka jingpynkiew dor iaki petrol bad diesel hapoh ka jylla.

U Jersom Shylla ryngkat bad ki dkhot ka seng ki lah mih ha surok ban teh lama iong iaki kali bad ki lah kyntu sha baroh ki nongniah kali bad iaki paidbah ka jylla ba ki dei ban mih ryngkat ban pyrhshah ia ka jingleh donbor ka sorkar ban kyntiew dor palat iaka umphniang na ka 72 tyngka shaka 91 tyngka kaba mut ka dor umphniang ka kiew kynsan haduh kumba 18 tyngka hapoh ki khyndiat bnai hadien ka jingkhang dam bad kane ka jingleh ka sorkar kadei baka khlem da pyrkhat shuh ia ka jingeh u duk u suk bad kane ka wallam iaka jingkiewdor ka bai kali bad ki marbam mardih.

Ka seng ka dawa ba ka sorkar kadei ban pynhiar shuh shuh iaka dor umphniang kali bad ka seng ka kyntu iaka sorkar baka lad ban shim khajna ym dei tang na ka umphniang kali bad dang bun ki tax ba ka sorkar ka dei ban shim ym tang ban pynkiew dor lap lah tang iaka petrol bad diesel namar kane ka buh jingeh ia u paidbah baroh khamtam ka jylla jong ngi dang bun ki ba dang duna haka ioh ka kot.