Mar 1-1 iakhaid ka Pamtbuh vs Umladkhur haka Super Div, jop ka Amjajer, Lumpyngngad haka Lower Div ka ASSA

Syllad | The Rising MeghalayaNovember 30, 2024

Ka Pamtbuh SC bad Umladkhur SC kila iakhaid haka Super Division, katba ka Amjajer Roko bad Lumpyngngad kila khur jingjop haka Lower Division Football Tournament kaba pyniaid da ka Amlarem Sub Divisional Sports Association (ASSA) ha madan Mini Stadium Ladjaplem, Amlarem haka 30 tarik Naiwieng.

Haba phai sha jingialehkai haka kyrdan Super Division, ka jingialehkai hapdeng ka Pamtbuh SC pyrshah iaka Umladkhur SC kala kut da 1-1.

Ka Pamtbuh SC kala ioh shuwa ban pynkhih iaka jar haka minit kaba 7 lyngba u Kyntu Nongwa, katba ka Umladkhur kala wan nadien ban tan kylla iaka jingialehkai sha kaba iakhaid lyngba ka kol kaba la thep da u Soki Khaii (53).

Haka jingialehkai Lower Division, ka Amjaajer Roko kala pynliem da 4-0 iaka ACP Padu. U Kyrsoi Langsiang (25, 27, 50) ula khyrwit da ka hattrick, bad shikol da u Kyrshan Tariang (15).

Ka Lumpyngngad kala jop da 1-0 iaka Nongshilliang. Ia kane ka kol la thep da u Theofilious Swer (16)

Kawei pat ka jingialehkai hapdeng ka Amsarim pyrshah iaka Darang kala kut da kaba iakhaid khlem don mano mano ba ioh pynkhih jar.