Map u ma Moonlight Pariat ia u briew ban sam iaka khubor ba pynjah burom

Syllad | The Rising MeghalayaFebruary 25, 2023

U Ma Moonlight Pariat hadien ba saphriang kawei ka jingthoh sha ki social media ne khubor paidbah lyngba ka whatsapp kaba la iasam da ki nongkyrshan ka TMC ba kynnoh ba don ka jingsuh buit hadpeng ma u bad ka kyrtong NPP ban pynbiej iaki nongkyrshan jong u ban thep sha ka TMC ha Jowai Constituency mar mar ula mudui da ka jingujor ehajar ha khmat ki pulit ka Jowai Police Station aka 24 tarik une u bnai.

Mar mar ki pulit ha kajuh ka miet kila kem ia uwei u briew uba naka shnong Panaliar Jowai uba kyrteng u Andrew Shullai.

Hynne ka sngi pat, une u Andrew Shullai ula wan shakhmat ban pan map na u Moonlight Pariat bad ki paidbah ka Jowai Constituency bad ula ong ba ula sam ia ka dur kaba don ka jingthoh ban khring iaka vote da ka jingshongshit.

Ula kubur ba ula la sam bad pan map bad kyntu iaki paidbah ba kim dei ban sngewthuh bakla bad ka jingleh jong u kadei ka jingshong shit elekshon.

U Ma Pariat haba kren ula ong ba kum ki briew ngi don iaka jingbakla, bad ka jingieng elekshon kam dei ka kam kai ka dei ka kam ban peit iaka bha ka miat bad ka roi ka par, bad kane ka jingthad une u nongkyrshan ka TMC kala ktah iaka burom ka ijot jong u.

Une u Andrew Shullai ula kloi ban mih shakhmat ban pan map, na kaliang jong u Ma Moonlight Pariat ruh ula map bad um kwah shuh ban bteng ia ka mukotduma pyrshah ia une u Andrew uba trei kum u pulit haka 3^rd Battalion uba don ruh 6 ngut ki khun.