Mana u DM ban ber dawai ha Wahkhri 

Syllad | The Rising MeghalayaMay 2, 2023

Kum shibynta ban iada ia ki dohum dohwah bad na ka bynta ka jingshngain jong ki paidbah nongshongshnong, u District Magistrate ka Eastern West Khasi Hills District ha ka hukum ba la pynmih katkum ka section ba 144 jong ka CrPC u la khang pyrshah iaka jingber ia kino kino ki jait dawai ha shilynter ka Wahkhri kaba don ha Eastern West Khasi Hills District.

Ka hukum ka ong ba ka jingber ia ki dawai ha ki wah ka pynjaboh bad pynlong bih ia ki bad ka wanrah kylla ia ka jingiap jong ki dohum dohwah, kaba ktah pat ia ka koit ka khiah bad ka iap ka im jong ki paidbah nongshongshnong.

Kino kino kiba pynkhein ia kane ka hukum kin ngat haka jingshah pynshitom katkum ka kyndon aiñ section 188 jong ka Indian Penal Code, 1860.