Mana ka Supreme Court ïa ki pulit bad bor pyniaid hospital ban pynthud ïaki nongiarap ha ka por aksident

Syllad | The Rising MeghalayaSeptember 26, 2019

SHILLONG:  Ka tnat pohiing ne ka Home Department jong ka Sorkar Jylla ka la bthah ïa ki tnat pulit bad ki bor pyniaid hospital ba kim dei ban pynthud ïa u ne ka nongïarap (Good Samaritan) jong kino kino ki briew kiba mynsaw ha askident da kaba pynbor ïa ki ban ai ki kyrteng bad jaka sah jong ki.

Kane ka long katkum ka jingbishar jong ka Supreme Court haka Mukotduma jong ka Savelife Foundation pyrshah ïa ka Union of India bad ha ka Writ Petition (Civil) No. 235 jong ka snem 2012 lyngba ka jingpynmih hukum jong ka kaba 29 Risaw, 2014, ka la bthah ïa ka Sorkar Pdeng ba kan pynmih ki jingbthah kiba ïadei bad ka jingïada ïa ki Good Samaritan lane ki nongiarap ha ka shipa tad haduh ba ka Sorkar Pdeng kan da thaw la ka jong ka ain;

Bad namar ba ka Sorkar Pdeng ka sngew donkam ban ïada ïa ki nongïarap na ka Jingshah pyndik namar ki kam isnei jong ki ban pyllait im ïa ki lanot kiba hap ha ki aksiden kali, ka Sorkar Pdeng ka la pynmih kine ki jingbthah kiba ki hospital, ki pulit bad kiwei ki bor ba dei peit ki dei ban bud na ka bynta ban ai jingiada ia ki nongiarap, kata:-

1. U nongiarap kynthup uba sakhi ia ka aksiden kali u lah ban leit kit ia u briew uba mynsaw sha ka hospital kaba don hajan bad dei ban ailad ia u nongiarap ba un mih noh mar iadep, kata ruh, hadien ba u nongiarap u la iathuh ia ka jaka ba jia ka aksiden bad ym dei ban buh jingkylli ne tohkit ia u nongiarap.
2. U nongiarap u dei ban ioh khusnam katkum ka jingpynbeit jong ka sorkar iylla khnang ban pynshlur ia kiwei pat ki nongshong shnong ba kin wan shakhmat ban iarap ia ki lanot kiba ngat ha ki aksiden kali.
3. Uba sakhi ia ka jingjia ne u nongiarap um dei ban shah pynngat ha ki bor jong ka ain.
4. U nongiarap uba phone ban pyntip sha ki pulit lane ki tnat kiba ai ia ki jingshakri shaphang u briew uba mynsaw ha surok, um dei ban shah pynbor ban pynpaw ia la ka kyrteng bad ki jingtip kiba bniah la ka long da ka phone lane markhmat.
5. U nongiarap u lah ban ai da la ka mon sngewbha ia la ka kyrteng bad nombar phone lada u kwah ban pyndap ia ka Medico Legal Case (MLC) form ba pynbiang da ka hospital.
6. Ka sorkar ka lah ban pynshitom ia ki nongtrei kiba pynbor lane byrngem ia u nongiarap ban pynpaw ia ka kyrteng lane pan jingtip shaphang jong u.
7. Lada jia ba u nongiarap u iathuh da ka mon lajong ba u dei ruh uba sakhi la ka jingjia bad donkam ban kyili jingky!li ia u khnang ban pyniaid ia ka jingtohkit jong ki pulit lane ha ka por bishar, ia une u nongiarap dei ban tohkit tang shisien bad ka sorkar jylla ka dei ban buh ia ki kyndon tohkit ban pynthikna ba u nongiarap um dei ban shah pyndik ne shah byrngem.
8. Ka rukom kylli jingkylli ne tohkit ka dei ban long da ka Commission katkum ka Section 284 jong ka Code of Criminal Procedure 1973 lane da kaba ai aphidabit katkum ka Section 296 jong ka Code of Criminal Procedure. la ka Code and Standard Operating Procedure dei ban pynbiang hapoh laiphew sngi naduh ka tarik ba pynmih 1a kane ka Jingpynbna.
9. Lah ruh ban pyndonkam da ka video conferencing ha ka por ba tohkit lane kylli jingkylli u nongiarap kynthup 1a ki briew kiba sakhi lane iohi ia ka jingjia kumba la kdew ha ka (1) haneng khnang ban iada la u nongiarap na ka jingshah pyndik ne pynthut.
10. Ka Tnat ka Koit ka Khiah jong ka Sorkar Pdeng ka dei ban pynmih ia ki jingbthah ba baroh ki hospital sorkar bad ki hospital jong ki riewshimet kiba la rejistar kim der ban bat ia u briew uba iohi ia ka jingjia lane u nongiarap lane dawa jingsiew ban rejistar lane ban sumar, lait noh lada u nongiarap u dei u bahaiing bad ba donkam ban sumar mar mar la uba mynsaw katkum ka hukum jong ka Supreme Court ha ka Pt. Parmanand Katara vs Union of India and Ors [1089] 4 SCC 286.
11. Ka jingbymshimkhia jong ki doktor ban sumar mar mar ia uba mynsaw, la kaba la khmih lynti ba kin ai ka jingsumar, ka long ka jingiaid lait ne jingiuhroit ia ka kam ba la bynshet ha ki katkum ka Lynnong 7 jong ka Indian Medical Council (Professional Conduct, Etiquette and Ethics) Regulation, 2002, bad yn pynshitom ia kine ki doktor katkum ka Lynnong 8 jong ka Regulation.
12. Baroh ki hospital ki dei ban pynmih ia ka jingthoh jong kine ki jingbthah ha ka ktien Hindi, Phareng bad ka ktien tynrai jong ka jylla bad ban wah ha khyrdop ban ban ai ia ka Kular ba kin ym bat la u nongiarap lane ban phah siew pisa na ka bynta ban Sumar la kiba mynsaw.
13. Lada jia ba u nongiarap u kwah, ka hospital ka dei ban pynpaw ka jingsngewnguh ia kum une u briew, da kaba pynshisha ba u la wallam ia u briew uba mynsaw sha hospital bad ban da kdew 1a ka jaka bad ka por ba jia ka aksiden bad lah ban pynkhreh ia kata ka syrnod jingsngewnguh ha ka phorm ba la pynbiang ka sorkar jylla bad pyntip sha baroh ki hospital ha ka jylla na ka bynta ban ai jingiarap ia u katkum ka jingsngewbit jong ka sorkar jylla.
14. Baroh ki hospital sorkar bad ki hospital jong ki riewshimet ki dei ban bud ia kine ki jingbthah bad ki bor ba dei peit ki lah ban shim kino kino ki lad pynshitom ia kiba pynkhein ia kine ki jingbthah.
15. Ka Sorkar India bad ka Sorkar Jyla ki dei ban phah ia ka shithi kaba don ia kine ki jingbthah sha baroh ki hospital bad ki jaka sumar kiba hap hapoh ka jingpeit jong ki, da kaba phah lang ia ka Gazette Copy jong kane ka jingpynbna bad ban pynthikna ba ki bud ia kine ki jingbthah. Ka Ministry of Health and Family Welfare bad ka Ministry of Road Transport and Highways ki dei ban pynmih ia ka jingpynbna ha baroh ki kotkhubor jong ka ri ne ka thain kynthup ha ki lad pathai khubor elektronik ban pyntip paidbah ia kine ki jingbthah.
16. Kitei ki jingbthah kiba iadei bad ka jingiada ia u nongiarap lane Good Samaritan kin nym ktah ia ka jingkitkhlieh jong u nongniah jong ka kali haba jia ka aksiden, kumba la kdew ha ka section 134 jong ka Motor vehicles Act, 1988 (59 jong ka snem 1988).