Maham u SP ka EGH ia kiba pyrshang wanrah jingiapher jaidbynriew na ka jingjia pluh ding

Syllad | The Rising MeghalayaApril 23, 2025

U Superintendent of Police ka East Garo Hills, u Bah SA Rynjah haka sngi ba ar u la maham ban leh da kaba tyngeh pyrshah ia kino kino kiba pyrshang ban shim kabu halor ka jingjia pluh ding kaba la jia ha ka shnong Morrongga da ka jingthmu ban pynthud ia ka shongsuk shongsain bad ban wanrah ka jingsngew iapher jaidbynriew.

U la ong ba kane ka jingjia pluh ding ka la jia ha ka iing jong kawei ka longkmie kaba kyrteng ka Presila N. Marak ha ka shnong Morongga Nengkram haka sngi ba Ar.

Hadien kane ka jingjia ka kynhun na ka tnad pynlip ding na Rongjeng ka la her bran bran sha katei ka shnong bad pynlip noh ia ka ding kaba klang.

Nalor kata u la pynthikna ruh ba ym shym la don briew satia hapoh katei ka iing ha ka por ba katei ka jingpluh ding ka la jia.

Nalor kata u la ong ba ka daw halor jong kane ka jingpluh la shem ba ka dei na ki waiar bording elektrik bad kam shym la don kano kano ka jingsuba leh sniew.