Maham ka DIRFWA ia kiba pyniap dohum pathar ha Wah Umngot

Syllad | The Rising MeghalayaOctober 14, 2020

Ka Di Iah Ryntihlang Fishing Welfare Association (DIRFWA), Jarain kala maham ia kino kino ki briew ki ba thmu ban pynjulor ne pyniap pathar ia ki doh um doh wah da kaba pyndonkam iaki dawai bih ne ki bom ban ha shilynter ka wah Umngot ba don Marjan bad ka shnong Jarain.

U Lucky star Pamthied, Assistant Secretary ula ong ka synjuk ka la rai ruh ba kan ia trei lang bad ki bor sorkar ban teh lakam ia ki ne ki briew ban pynjulor ia ki doh um.

Ka DIRFWA ha kine khyndiat bnai la lap ba don shibun ki briew ki ba la leh ia kane ka kam pyniap pathar iaki dohum dohpnat bad lada lap ia kino kino ki briew nangne shakhmat kiba leh ia kane ka kam kim banse ban shain daka kuna kaba heh bad ban ai ti ha ki bor jong ka ain.

Ka DIRFWA kala kyrpad ruh ia baroh ki nongkhwai ha ka wah Umngot ba kin ymbit shuh ban pyndon kam da ki dawai ne ki jar ha ka wah Umngot.