Lynñiar ki nongshong shnong ka Iooksi ba kiew ka bai bording, don kiba ïoh bai bording T.5 lak

Syllad | The Rising MeghalayaMay 6, 2019

JOWAI: Ki paidbah nongshong shnong jong ka Iooksi, West Jaiñtia Hills kila pynpaw ïaka jingsngew kyndit ha kaba ïadei bad ka jingkiew kynsan jong ka bill light kynthup ïaki longïing ba duk (BPL) bad don ruh kiba ioh pdiang kaba bai bording kaba la kot haduh T. 552119.

Ka KSU Laskeiñ Circle hapoh ka jingialam u President u Balawantei Suchiang kala leit jurip dalade haka jaka siew bill light ki nongshong shnong jong ka Iooksi haka sngi Nyngkong bad kala lap tynkrein ïaki jingbakla ha rukom shna bill light ka MePDCL jong ka Khliehriat Sub-Division.

Wat la ki nongshong shnong kila dep siew ïaka, hynrei ka paw ba kim pat dep siew la bun bun bnai (outstanding bill). Ka bording BPL ruh kaba sam sha ki longïing kiba duk, ka bai bording kala kiew palat iaka T.600.

Ka KSU kala dep ïakynduh bad iakren bad u SDO ka Khliehriat Revenue Sub Division, Khliehriat ban pynbeit ïa kane ka jingthurmur ka tnad, pynban haduh mynta ym shym la pynbeit ïa kane ka jingkhaler ki nongtrei ka tnad MePDCL.