Lyngshop u phria bad ka eriong, shah lied da ki phew tylli ki ïing & shah rat ki dieng ki post electrik ha Jaiñtia

Syllad | The Rising MeghalayaApril 14, 2019

JOWAI: U slap u phria ryngkat ka eriong kaba jur kila wan ban khyrwit ïa bun tylli ki shnong ha ki ar tylli ki District ha Rilum Jaiñtia haka sngi U Blei.

Ka khubor ka ïathuh ba ka eriong kaba jur bha ryngkat u slap bad phria kila wan lyngshop ha ki bun  tylli ki shnong naduh na Jowai, Mihmyntdu, Sabahmuswang, Khliehtyrshi, Madur, Ummulong Moodymmai bad kiwei kiwei ki shnong ba mar jan tang ha West Jaiñtia Hills.

Ha kane ka jingwan lyngshop ka bor mariang ka shnong Madur kala shah ktah jur ha kaba haduh 15-20 tylli ki tnum ïing kila shah lied haka lyer ba khlain bor. Katto katne ki ïing ha Moodymmai, Ummulong, Sabhamuswang bad Mihmyntdu (Lum Chyrmang).

Ha East Jaiñtia Hills ka eriong kala khyrwit ha Saipung ha kaba kala wanrah ka jingjulor iaka iing skul bad iing briew.

Ha kylleng ki shnong khappud Assam Meghalaya la don ka jinghap slap bad phria.

Ka la lyer kaba jur bha ka la jynrat ïaki dieng ki siej ha kylleng bad ki post ding electric bad kala wanrah ka jingduh bording.