Lehkmen ka Jylla yaka 75th Republic Day

Syllad | The Rising MeghalayaJanuary 27, 2024

Ha Shillong kawa man ka nongbah iong ka Jylla Meghalaya leh da kynmoo burom ya ka 75^th Republic Day ha madan Polo da ki prokram wapher heiwa u Phagu Chauhan, Lat ka Jylla daman u kam u kongsan wei wow pynher ya ka lama ka Ri India deilang leh wow chim ya ka Rashtriya Salute hei chimbynta iong ki March Past Contingent wapher wa kynthup ya ki Chipai, ki Pulit, ki NCC, ki Scouts and Guides wa ki khynnah skur wei da pynchooh leh ya kani ka sngi da I chimbyntalang ki Brass Band Border Wing Home Guard wa ki Pipe Band Assam Regiment Centre.

Ha kani ka sngi u Lat ka Jylla da e kti u leh ya ki Award kiwa da e nam e burom hei pyrtuid U Tirot Singh Syiem neibynta ka Art & Culture cha u Risingbor Kurkalang, U Kiang nangbah Award neibynta ka Sports cha u Phrangki Buam wa ka Pa Togan Sangma Award neibynta ka Social Service cha u Dr. Delphine Gare Momin.

Heiyatoh wa ka Megha Health Insurance Scheme (MHIS) & Pradhan Mantri Jan Yojana Award ki PHC wa ki CHC kiwa da ioh ya kani ka Award ha uni u snem toh ka Pomlum PHC, East Khasi Hills, ka CHC Mawphlang, East Khasi Hills katwa napyrdi wan ki Private Hospital da e cha ka Bethany Hospital Shillong, Basara Eye Care Centre, East Khasi Hills neitae chooh chooh da e leh ya ka Award cha ka Reid Provincial Chest Hospital, East Khasi Hills, ka Ganesh Das Govt. Maternal & Child Hospital, East Khasi Hills katwa ya ka Award iong ka Ayushman Bharat Pradhan Mantri Jan Arogya Yojana da e cha ka Reid Provincial Chest Hospital, East Khasi Hills.

Neibynta wan ki Pulit ha kani ka sngi da e leh ya ka Police Medal for Meritorious Service cha u Vivek Syiem, Superintendent of Police (City), u John M.Sangma AB Inspector, u Teibor Sumer, Havildar & Home Guards & Civil Defense wa ka Aniosca Basaiawmoit, Inspector Posted as Senior Instructor at Central Training Institute of Civil Defense & Home Guards Mawdiangdiang.

Ya kani ka sngi da pynphooh pynphein wei pynwyrngia ya kiwa wan sakhilang da I pynioo rong iong ki Department ya ki tableau kiwa da chna pynwandur ha ki rukom wapher neitae ki chad ki rwai wa da chimbynta da ka Seng Khasi Higher Secondary School, Mawngap, District Christian Multi-Purpose Hr. Secondary School, Sanmer, Higher Secondary School Upper Shillong wa ka Mission U.P.SSA School Mawryngkneng.