Lap met iap ki pulit na ar jaka

Syllad | The Rising MeghalayaMarch 1, 2024

U Superintendent of Police East Khasi Hills, Shillong u pyntip ba ha ka 23.02.2024 ki bor pulit ka Madanrting PS ki la lapdien ia uwei u rangbah bym lah ban ithuh uba la don kumba 30-40 snem rta uba thiah lyngktar hapdeng ka jingbym tip briew hajan ka jaka pump um ka MES na Wahumkhen, Happy Valley.

Hadien kane ki pulit ki la pynkit noh mardor shapoh Civil Hospital, Shillong hynrei mar ia poi na ka liang u doktor u la pynbna ba u la dep khlad lypa. Hadien ba la pyndep ia baroh ki jingdonkam la pynkynriah noh ia kane ka metiap shapoh ka jaka buh metiap jong kane ka hospital na ka bynta ka jingpynithuh bad wan shimti.

Ha kawei pat ka jingjia ki bor pulit ha ka 26.02.2024 ki la lap ia kawei ka metiap jong uwei u rangbah uba la tip kyrteng kum u Garnet Sangma uba la don kumba 50-56 snem rta kaba thiah lyngktar na lyndet jong ka painkhana kaba don hajan ka jaka ieng bus ha Iew Mawlong, Shillong.

Hadien ba la pyndep ia ka jingdonkam baroh la pynkynriah noh ia kane ka metiap shapoh ka jaka buh metiap jong ka NEIGRIHMS Hospital, Shillong na ka bynta ka jingpynithuh bad wan shimti.

Kumta la kyntu ia kiba haiing hasem bad kiwei pat kiba don jingiadei ba kin wan mih mardor sha kane ka jaka buh metiap jong kine ki hospital da kaba phone sha kine ki nombor. O/C Madanrting PS-0364-2231408, O/C Shillong Sardar PS -0364-2224818 / 2224400, I/C Police Control Room, Shillong -0364-2222214 /2222215.