Lap iaka metiap uwei u briew, suba pyniap u para jong u I Love You bad u paralok

Syllad | The Rising MeghalayaMarch 22, 2023

Ki Pulit kila iohtam ia kawei ka metiap u briew uba kyrteng u Pynkhreh Surong uba naka shnong Mynsngat, West Jaintia Hills District haka sngi Balang.

Ka khubor kaba ioh lum na ki Pulit, une u Pynkhreh Surong uba na ka shnong Mynsngat, ula jah rngai naduh ka 9 tarik Lber 2023 ryngkat bad ka kali Mahindra Pick Up, kaba dang thied thymmai.

Ka khubor ka iathuh ba mynta ka step ki pulit kila iohtam iaka metiap jong u na kawei ka jaka khlaw kaba hap hapoh ka Mawryngkneng Police Station, East Khasi Hills District, la ong u Superintendent of Police, West Jaintia Hills District u Bikram D Marak.

Ula ong ruh ba iaka met la shimti ban leh iaka post mortem bad kiwei ki jingdonkam jong ka aiñ. Ula iathuh ruh ba la kem ruh iaki ar ngut kiba suba donkti.

Katkum ki dur ki dar kiba la saphriang la lap iaka metiap kaba la tap da ka jain kynbor bad ban da u dieng.

Ka khubor ka iathuh ba ia une u Pynkhreh Surong ula shah rahbor ha ryngkat bad ka kali jong u bad la suba bala pyniap na kawei ka jaka bad bret pat iaka met jong u sha katei ka khlaw.