Lap da ki ksain ba dang im ha u biskit

Syllad | The Rising MeghalayaNovember 25, 2024

Ka long kaba sngewkhia ba wat kiba jingbam kiba la song bha kiba la ngeit ba ki long kiba shngain ban bam, pynban da khongpong kam long satia kumta bad la lap da ki ksain kiba dang im kiba lah ban ktah iaka koit ka khiah u briew.

Kane ka jingjia kala jia haka 25 tarik Naiwieng haka shnong Thadmuthlong-C Pharmer, West Jaintia Hills District ha kaba la lap ia kine ki ksain ha jingbam da ka Kong Rita Suchiang.

Kala iathuh ba hadien ba kala wan thied ia u jingbam biskit u Oat Choco Cereal & Milk Bar, uba ki khynnah haduh ki Rangbah ki bang ban bam bad haba kala la bam ia une u jingbam kynsan kala iohsngew ba don ki kynja ba khih hapoh ka shyntur, haba kala khlei bad lap pynban da ki ksain barit ha utei u jingbam ba don iaka rong lieh.

Ka Kong Rita bad Ma AC Suchiang kila buh ka jingkyrpad sha ki paidbah, ki khynnah bad wat iaki kmie ki kpa ba kin long kiba husiar haba thied iaki jingbam ba song bad kiba har rukom kiba mih ha kine ki sngi bad ki dei ban da peit bha hashwa ba kin ai ia la ki khun ki kti.

Ngim dei ban shaniah iaki jingbam da kaba peit ia ki tarik bala shna bad ki tarik bym long bam shu ne ki expiry date, la ong ka kong Suchiang.